O programa de doutoramento en Investigación Agraria e Forestal é un programa marcado pola multidisciplinaridade en canto a titulacións do profesorado e o alumnado xa que nel participan investigadores de tres departamentos distintos da Universidade de Santiago de Compostela (Produción Vexetal, Idade global e química agrícola, fisioloxía Vexetal e Botánica) e cinco centros de investigación, un deles en Alemaña (ZALF) e catro en Galicia (Centro de Investigacións Forestais de Lourizán, Estación Fitopatolóxica de Areeiro, Centro de Investigacións Agrarias de Mabegondo e Misión Biolóxica de Galicia) e tres centros da Universidade da Coruña (Instituto Universitario de Xeoloxía, Centro interdisciplinar de química e bioloxía e facultade de ciencias) o que ofrece ao alumnado un amplo abanico para a elección da temática relacionada coa produción agraria e forestal de Galicia e da rexión bioxeográfica Atlántica de Europa.
O obxectivo deste programa consiste na formación de expertos capacitados en investigación agraria, forestal e agroforestal. As competencias adquiridas están orientadas á mellora da produción e á sustenbilidade do ambiente.
O estudo está verificado e publicado
O estudo renovou a sua acreditación o mércores, 18 de xaneiro de 2023.
|
Prezo da titoría anual de doutoramento Prezo aproximado aplicable a todos os estudantes (non residentes en España ou na UE incluídos). Gastos de secretaría, seguro escolar e complementos formativos (de ser aplicables) non incluídos. |
0€ |
|
Prazas ofertadas para o curso 2026 |
16 |
Este programa de doutoramento está encamiñado á análise dos procesos básicos e á xestión dos sectores agrario e forestal de Galicia, onde tales sectores son moi representativos pola superficie que ocupa e pola súa elevada produtividade.
Esta temática abórdase no programa de "Investigación Agraria e Forestal" desde diferentes perspectivas como a produción agrícola, a produción forestal, a xestión agrícola, a xestión forestal, as pragas e enfermidades, a conservación dos solos e augas e a sustentabilidade ambiental, entre outras.
Este programa proporciona aos/as estudantes ferramentas metodolóxicas avanzadas para a investigación, tanto básica como aplicada.
Por tanto, os investigadores e técnicos formados en "Investigación Agraria e Forestal" disporán de bases sólidas para a mellora da produtividade, tendo en conta a eficiencia económica, á vez que se limitan ou se impiden os danos ao medio.
| Data última modificación/verificación ACSUG | 29/07/2013 |
| Data publicación autorización DOG | 20/12/2013 |
| Data autorización Consello de Ministros | 21/02/2014 |
| Data publicación BOE de carácter oficial | 11/03/2014 |
| Data publicación plan estudos BOE | 11/03/2014 |