Programa de simultaneidade do Grao en Inglés: Estudos Lingüísticos e Literarios e o Grao en Español: Estudos Lingüísticos e Literarios

Introdución

O programa de simultaneidade do Grao en Inglés e o Grao en Español: Estudos Lingüísticos e Literarios ofrece a formación que precisan os profesionais da lingua, das literaturas e da cultura nos ámbitos anglófono e hispánico.

Proporciona un dominio profesional do inglés e do español e unha ampla perspectiva das literaturas nestas linguas e das correntes lingüísticas e da ciencia literaria.

Ademais, permite a adquisición do coñecemento práctico doutras linguas (francés, italiano, portugués).

·

Titulacións oficiais de grao, de 240 créditos cada unha, publicadas no BOE de 5/1/2010 e verificadas. Sistema de garantía de calidade acreditado pola ACSUG no programa Fides-Audit.

O estudo está verificado e pendente de publicación

 

Prazas ofertadas para o curso 2025/2026

20

Por que estudar a titulación

• En só cinco anos, obtense dúas titulacións sen custos adicionais.
• Único programa no sistema universitario galego que facilita cursar en paralelo dous títulos.
• Sólida formación en lingua, literaturas e culturas anglosaxoas e española e hispanoamericanas.
• Mobilidade internacional con máis de 70 destinos.
• Prácticas en empresas e institucións da contorna.
• Grupos reducidos e ensino personalizado.
• Coñecemento profesional do inglés e do español.
• Currículo personalizado: 40 materias optativas (cine, filosofía, poesía, narrativa, teatro).
• Formación suplementaria en francés, italiano, portugués ou latín.
• Clases prácticas de todas as linguas modernas con profesorado nativo.
• Profesorado con acreditacións docentes e investigadoras.
• Académicos correspondentes das academias (RAE e RAG) entre o profesorado.
• Posibilidade de incorporación en terceiro.
• Materiais de apoio no campus virtual.

 Folleto informativo