Este Programa de Doutoramento
ten como obxectivo a formación de investigadores/as nas áreas da
Neurociencia básica e aplicada, a Psicoloxía Clínica e a Psiquiatría,
primando a interdisciplinariedade. Con esta perspectiva, o programa inclúe
investigadore/as adscrito/as a diferentes áreas de coñecemento dos campos da
Neurobioloxía, a Neurociencia Cognitiva, a Psicoloxía Clínica e da Saúde e
a Psiquiatría. Trátase dun programa interuniversitario, organizado
conxuntamente polas universidades de Santiago de Compostela (que o
coordina), A Coruña e Vigo.
O estudo está verificado e publicado
O estudo renovou a sua acreditación o martes, 22 de xuño de 2021.
|
Prezo da titoría anual de doutoramento Prezo aproximado aplicable a todos os estudantes (non residentes en España ou na UE incluídos). Gastos de secretaría, seguro escolar e complementos formativos (de ser aplicables) non incluídos. |
200€ |
|
Prazas ofertadas para o curso 2025/2026 |
6 |
Desde o punto de vista
científico, o Programa de Doutoramento pretende formar investigadores/as,
primando a interdisciplinariedade e abranguendo áreas da neurociencia básica,
aplicada e a psicoloxía clínica e a psiquiatría. Entre os maiores retos da investigación está o chegar a comprender o funcionamento do encéfalo, desde
o substrato molecular ata as bases da memoria, a intelixencia e a
acción consciente; os mecanismos que as sustentan, e as estratexias de
intervención máis adecuadas para mellorar a saúde e a calidade de vida. Con este
obxectivo, o programa inclúe investigadores/as adscrito/as a diferentes áreas de
coñecemento, encadradas nos campos de especialización da neurobioloxía,
a neurociencia cognitiva, a psicoloxía clínica e a psiquiatría, tal como
reflicte a denominación do título e recollen as liñas de investigación incluídas
nel.
Este estudo é interuniversitario, ademais da Universidade da Coruña, participan na súa docencia as seguintes universidades:
| Curso de comezo | 2013-2014 |
| Data última modificación/verificación ACSUG | 29/07/2013 |
| Data publicación autorización DOG | 20/12/2013 |
| Data publicación BOE de carácter oficial | 11/03/2014 |
| Data publicación plan estudos BOE | 11/03/2014 |