Este programa de doutoramento ten como obxectivo a formación de persoal investigador nas áreas da neurociencia básica e aplicada, a psicoloxía clínica e a psiquiatría, primando a interdisciplinariedade. Con esta perspectiva, o programa inclúe investigadores adscritos a diferentes áreas de coñecemento dos campos da neurobioloxía, a neurociencia cognitiva, a psicoloxía clínica e da Saúde e a psiquiatría. Trátase dun programa interuniversitario, organizado conxuntamente polas universidades de Santiago de Compostela (que o coordina), A Coruña e Vigo.
O estudo está verificado e publicado
O estudo renovou a sua acreditación o martes, 22 de xuño de 2021.
|
Prezo da titoría anual de doutoramento Prezo aproximado aplicable a todos os estudantes (non residentes en España ou na UE incluídos). Gastos de secretaría, seguro escolar e complementos formativos (de ser aplicables) non incluídos. |
200€ |
|
Prazas ofertadas para o curso 2024/2025 |
6 |
Proponse promover un espazo científico integrador de carácter multidisciplinar, que aborde o estudo do cerebro desde un punto de vista morfolóxico, estrutural, funcional, computacional e do desenvolvemento, ademais da súa relación recíproca con variables psicosociais, co fin de comprender o comportamento humano, para facilitar o desenvolvemento de estratexias preventivas e terapéuticas fronte ás principais enfermidades neurolóxicas e trastornos psiquiátricos.
O estudo do sitema nervioso en xeral, e do encéfalo humano en particular, é unha das áreas prioritarias de investigación en todo o mundo. Un dos maiores retos desta investigación é descubri-los misterios do cerebro, desde o funcionamento molecular ata os mecanismos que sustentan procesos como a memoria, a intelixencia ou a acción consciente e a súa interacción co medio. O progreso no coñecemento do sistema nervioso permitirá combater as enfermidades que o afectan e mellorar a calidade de vida. Desde a perspectiva máis clínica, este programa integra liñas que se ocupan da comprensión, prevención e tratamento dos trastornos mentais, abordándoos desde unha perspectiva biopsicosocial.
Este Programa forma parte de laa 'Network of European Neuroscience Schools' (NENS), unha estrutura creada no marco da FENS (Federation of European Neuroscience Societies) para facilitar información sobre a formación posgraduada no ámbito da Neurociencia e promover a colaboración entre os programas de estudos europeos.
Este estudo é interuniversitario, ademais da Universidade da Coruña, participan na súa docencia as seguintes universidades:
| Curso de comezo | 2013-2014 |
| Data última modificación/verificación ACSUG | 29/07/2013 |
| Data publicación autorización DOG | 20/12/2013 |
| Data publicación BOE de carácter oficial | 11/03/2014 |
| Data publicación plan estudos BOE | 11/03/2014 |