O máster é interuniversitario, impartido na Escola Politécnica de Enxeñaría de Ferrol (EPEF) no Campus de Esteiro, na Universidade de Santiago e na Universidade de Vigo.
A distribución da formación é a seguinte:
- 45 ECTS de formación común, que se poden realizar en calquera das tres localizacións.
- 27 ECTS de especialización, a partires do segundo semestre. Pódese optar por vehículos mariños (UDC), aéreos (USC) ou vehículos terrestres (UVigo). Cada lugar ofrece unha especialidade única e requírese presencialidade.
- 6 ECTS - Prácticas en empresas.
- 12 ECTS - Proxecto Final de Mestrado.
|
Prazas ofertadas para o curso 2026 |
8 |
O obxectivo principal deste Máster Interuniversitario entre a Universidade de A Coruña, a Universidade de Santiago e a Universidade de Vigo, coordinadora da formación, é proporcionar formación avanzada en cuestións de mobilidade en todos os ambientes (terrestre, aéreo e marítimo), cunha clara orientación cara a unha especialización profesional de alto nivel, que axude a coñecer os aspectos tecnolóxicos e os retos da mobilidade autónoma. Do mesmo xeito, a formación inclúe unha visión aplicada deste coñecemento con prácticas en laboratorios e bancos de ensaio reais.
As tres especializacións tamén ofrecen a posibilidade de centrarse máis especificamente nas peculiaridades de cada tipo de vehículos e na tecnoloxía asociada a eles (mariños, aéreos ou terrestres).
| Curso de comezo | 2026 |