O Mestrado Universitario en Estudos Ingleses Avanzados e as súas Aplicacións (MIEIA), organizado conxuntamente pola Universidade da Coruña (UDC), a Universidade de Santiago de Compostela (USC) e a Universidade de Vigo (Uvigo), é un programa acreditado que cumpre cos altos estándares de excelencia do sistema europeo de educación superior.
O mestrado consta tanto de formación presencial como de formación en liña: cada materia (3 créditos ECTS) está composta por 14 horas lectivas presenciais e 7 horas en liña. En conxunto desenvolve un programa de 60 créditos ECTS durante un curso académico.
As clases lévanse a cabo en cada unha das tres universidades participantes, de modo que o estudantado pode escoller a localidade e o horario que mellor se adapte as súas necesidades e intereses.
O estudo está verificado e publicado
O estudo renovou a sua acreditación o venres, 3 de xuño de 2022.
|
Prezo para o alumnado con residencia en España ou na UE Prezo aproximado dun curso (60 ECTS) para o alumnado de primeira matrícula con residencia en España ou na UE. |
591€ |
|
Prezo para o alumnado sen residencia en España ou na UE Prezo aproximado dun curso (60 ECTS) para o alumnado de primeira matrícula sen residencia en España. |
739€ |
|
Prazas ofertadas para o curso 2023/2024 |
10 |
O MIEIA prepara os estudantes para os esixentes estándares do mercado de traballo internacional e ofrece formación avanzada nas materias básicas da lingua e da lingüística inglesa, así como da literatura e da cultura angloamericana.
Tamén proporciona a oportunidade de adquirir experiencia práctica, tanto na realización de investigación en lingüística e literatura como na aplicación práctica dos coñecementos adquiridos.
O programa inclúe un módulo de prácticas que ofrece unha oportunidade única de traballar en empresas e institucións externas coas cales as universidades estableceron acordos de colaboración.
O MIEIA tamén permite comezar a traballar nun doutoramento, xa que proporciona os cursos preparatorios necesarios para a redacción dunha tese. O mestrado constitúe o requisito para a admisión no Programa Interuniversitario de Doutoramento en Estudos Avanzados en Inglés: Lingüística, Literatura e Cultura, tamén organizado conxuntamente pola USC, a UDC e a Uvigo.
.Este estudo é interuniversitario, ademais da Universidade da Coruña, participan na súa docencia as seguintes universidades:
| Curso de comezo | 2013/2014 |
| Data última modificación/verificación ACSUG | 30/07/2019 |
| Data autorización Consello Xunta | 05/12/2013 |
| Data publicación autorización DOG | 20/12/2013 |
| Data publicación BOE de carácter oficial | 11/03/2014 |
| Data publicación plan estudos DOG | 22/07/2020 |
| Data publicación plan estudos BOE | 23/07/2020 |