O Programa de Doutoramento en Ciencias Sociais e do Comportamento obedece a unha reorganización e integración de ofertas previas da Universidade da Coruña dirixidas á formación de doutores e doutoras.
Estes programas previos adscribíanse a diferentes departamentos e áreas de coñecemento que obedecían a unha división académico-administrativa previa, pero tórnase inadecuados e obsoletos cando o que se pretende é acadar outros obxectivos, como unha formación multidisciplinar dos investigadores e investigadoras nos complexos tópicos de investigación que afronta actualmente a Ciencia Social e do Comportamento, un aumento da oferta de liñas de investigación, e unha redución-centralización do aparello administrativo.
A saída académica é a máis clásica, consistente en poder optar competitivamente ás prazas que convocan as universidades. Para iso, é practicamente imprescindible a posesión do título de Doutor.
Respecto diso, resulta de especial interese referirse á RES/ESN (European Sociological Network). A Universidade da Coruña asinou un convenio para a Implementación de Estudos na Rede Europea de Socioloxía. Este programa académico está baseado nunha rede universitaria que abarca varios países europeos co obxectivo de coordinar dobres titulacións universitarias nos tres ciclos de estudos (Grao, Máster e Doutoramento) e brindarlles aos estudantes a posibilidade de conseguir títulos neste contexto de universidades da RES/ESN (European Sociological Network) de diferentes países europeos.
Ademais, para o desenvolvemento adecuado do Programa de Doutoramento cóntase coa colaboración dun número considerable de entidades, que poden supoñer para o estudante un contacto co mundo profesional, e unha fonte de futuro laboral. Enuméranse algunhas delas coas cales colaboran habitualmente os Departamentos asociados ao programa de Doutoramento, e cos cales xa se dispoñen de convenios para os estudos de grao e master, recubren o ámbito da Administración pública e o terceiro sector, incluíndo igualmente a consultoras, axencias de publicidade e de recursos humanos
Ademais das colaboracións con estas entidades, tanto a Facultade de Socioloxía, como o Departamento de Psicoloxía, dispoñen de convenios internacionais de colaboración con diversas universidades estranxeiras que poderán servir de plataforma para establecer a mobilidade entre estudantes do programa de doutoramento, que desexen realizar estancias de investigación. A modo de exemplode exemplo, a Facultade de Socioloxía ten asinados 46 convenios con universidades estranxeiras. Ver link na páxina web da UDC: https://udc.moveon4.com/publisher/1/spa
A saída académica é a máis clásica, consistente en poder optar competitivamente ás prazas que convocan as universidades. Para iso, é practicamente imprescindible a posesión do título de Doutor.
Respecto diso, resulta de especial interese referirse á RES/ESN (European Sociological Network). A Universidade da Coruña asinou un convenio para a Implementación de Estudos na Rede Europea de Socioloxía. Este programa académico está baseado nunha rede universitaria que abarca varios países europeos co obxectivo de coordinar dobres titulacións universitarias nos tres ciclos de estudos (Grao, Máster e Doutoramento) e brindarlles aos estudantes a posibilidade de conseguir títulos neste contexto de universidades da RES/ESN (European Sociological Network) de diferentes países europeos.
Ademais, para o desenvolvemento adecuado do Programa de Doutoramento cóntase coa colaboración dun número considerable de entidades, que poden supoñer para o estudante un contacto co mundo profesional, e unha fonte de futuro laboral. Enuméranse algunhas delas coas cales colaboran habitualmente os Departamentos asociados ao programa de Doutoramento, e cos cales xa se dispoñen de convenios para os estudos de grao e master, recubren o ámbito da Administración pública e o terceiro sector, incluíndo igualmente a consultoras, axencias de publicidade e de recursos humanos
Ademais das colaboracións con estas entidades, tanto a Facultade de Socioloxía, como o Departamento de Psicoloxía, dispoñen de convenios internacionais de colaboración con diversas universidades estranxeiras que poderán servir de plataforma para establecer a mobilidade entre estudantes do programa de doutoramento, que desexen realizar estancias de investigación. A modo de exemplode exemplo, a Facultade de Socioloxía ten asinados 46 convenios con universidades estranxeiras. Ver link na páxina web da UDC: https://udc.moveon4.com/publisher/1/spa
Estas son as liñas de investigación principáis deste programa de doutoramento:
No caso de que o doutorando careza da formación previa completa esixida no programa, a súa admisión no programa poderá quedar condicionada á superación de complementos de formación específicos, que poderán ser materias ou módulos de máster e grao. Os complementos asignados a un mesmo doutorando non poderán superar os 15 créditos ECTS e poderán realizarse de forma previa ou simultánea á matrícula en tutela académica no programa.
No caso de realización simultánea o alumnado deberá matricularse destes complementos no momento de formalizar a matrícula de tutela académica no programa, que deberán superarse no prazo máximo de tres cuadrimestres consecutivos. De non facelo así, o alumnado causará baixa no programa.
Tamén podes consultar o Regulamento de Estudos de Doutoramento da UDC, Artigo 5: Admisión.
Cada alumno deberá ir subindo á plataforma de Doutoramento as actividades que realiza, e que lle son esixidas por parte do Programa, como logo especifícase. Ditas actividades serán avaliadas polo titor que se lle asigne ao alumno.
Non se contemplan complementos de formación, xa que non se consideran necesarios. Estímase que as titulacións de acceso garanten que os estudantes posúen os coñecementos e as competencias necesarias como para poder ser admitidos no Programa de Doutoramento.
Especifícanse a continuación as actividades formativas a realizar durante o período do Doutoramento:
Especifica a relación académica entre o doutorando e a Universidade, os seus dereitos e deberes, incluídos os posibles dereitos de propiedade intelectual e/ou industrial derivados da investigación, así como a aceptación do procedemento de resolución de conflitos e a súa duración. Inclúe tamén os deberes do/a titor/a do doutorando e do seu director ou directora de tese.
O devandito compromiso será asinado por unha representación específica designada pola universidade, o/a titor/a e o doutorando, nun prazo máximo dun mes que comezará a contar desde a data da matrícula, mentres que a sinatura do/a director/a se incorporará no momento da súa designación.
Este compromiso de supervisión engadirase ao documento de actividades do doutorando no momento da súa sinatura por todas as persoas implicadas.
Tamén podes consultar o Regulamento de Estudos de Doutoramento da UDC, Artigo 13: Compromiso de supervisión.
Nun prazo de seis meses logo da matrícula, o estudante elaborará un Plan de Investigación que incluirá a metodoloxía, os obxectivos, os medios e a planificación temporal. O plan presentarase avalado co informe do director e/ou titor e deberá ser aprobado pola CAPD. Este plan poderá mellorarse no proceso de avaliación anual contando co aval do director e/ou titor.
Anualmente, a CAPD avaliará o Plan de Investigación, xunto cos informes que a tal efecto deberán emitir o titor/a e/ou o director/a, e o documento de actividades. A avaliación positiva será requisito indispensable para continuar no programa. En caso de avaliación negativa, o estudante elaborará un novo Plan que será avaliado no prazo de seis meses. En caso de nova avaliación negativa, causará baixa definitiva no programa.
Tamén podes consultar o Regulamento de Estudos de Doutoramento da UDC, Artigo 15: Plan de investigación.
A UDC mantén convenios de mobilidade de estudantes con universidades e institucións de educación superior de catro continentes. Cada curso académico publícanse varias convocatorias de mobilidade de estudantes para que estes poidan cursar parte dos seus estudos nunha desas institucións (un semestre ou un ano académico completo), obtendo pleno recoñecemento académico ao seu regreso no expediente UDC do estudante.
Nesas convocatorias publícanse as prazas das que a UDC dispón para ofrecer aos estudantes dos distintos centros e, no seu caso, as condicións específicas de cada unha delas. Do mesmo xeito, todos os anos convócanse bolsas para financiar a realización de prácticas no estranxeiro por parte dos estudantes
As prácticas serán tamén recoñecidas como parte do seu expediente académico ou no suplemento europeo ao título. O estudante é libre para buscar a empresa ou institución de destino do EEES na que desexa facer as prácticas. A estes efectos, a UDC ten un taboleiro virtual no que se publican as ofertas que chegan ao seu coñecemento.
As convocatorias de mobilidade xestiónanse conxuntamente nos centros de procedencia dos estudantes, baixo a dirección dos Responsables de Relacións Internacionais dos centros, e na Oficina de Relacións Internacionais da Universidade (ORI). Os requisitos xerais para acceder a unha praza de mobilidade, os dereitos e obrigacións dos estudantes, así como o procedemento para conceder as prazas regúlanse no Regulamento de Mobilidade da UDC.