Posto que se trata dun mestrado universitario dirixido á especialización en materia de avaliación e intervención sobre os trastornos da comunicación e a linguaxe, a súa saída profesional ten que ver cos ámbitos en que os titulados poden desenvolver a súa función profesional: centros de atención temperá; centros de saúde públicos ou privados; centros educativos públicos, privados ou concertados; e exercicio privado da profesión ben de forma individual ou ben como parte de equipos interdisciplinares. Os egresados deste mestrado disporán de formación especializada para a intervención nestes contextos, aínda que desde a óptica profesional do grao que cursasen previamente.
Este programa debe conducir a unha especialización e, por tanto, a un aumento da calidade das intervencións nos distintos contextos profesionais en que se pretende dar resposta a dificultades da linguaxe e a comunicación. Ademais, este mestrado vai dirixido a que os titulados poñan en marcha investigacións de calidade que acheguen novo coñecemento no campo dos problemas da linguaxe.
O número total de créditos para obter o título do Mestrado Universitario en Estudos Avanzados sobre a Linguaxe, a Comunicación e as súas Patoloxías será de 60 ECTS, que inclúen a formación teórica e práctica que os estudantes deben adquirir: materias obrigatorias, materias optativas e materias dos dous itinerarios que se ofrecen, seminarios, traballos dirixidos, realización de exames, Traballo de Fin de Mestrado e outras actividades formativas. O mínimo de créditos para matricularse no primeiro e segundo ano, tanto a tempo completo como parcial, será o establecido por cada unha das universidades participantes, tal e como se recolle no punto 1.2 da memoria de verificación do título.
Esta titulación dispón de guía docente
Podes consultala para coñecer máis sobre o estudo. Na táboa inferior tamén podes consultar as guías docentes particulares a aquelas materias que dispoñen de ela.
Os estudos de máster organízanse por módulos. Fai clic nun módulo para obter máis información.
| Guía | Carácter | Cuadr. | créditos | |
|---|---|---|---|---|
| Psicopatoloxía da Linguaxe e Trastornos no Desenvolvemento da Linguaxe e da Comunicación | Obrigatorio | 1º | 6 ECTS | |
| A Avaliación Psicolóxica das Alteracións da Linguaxe e a Comunicación | Optativo | 1º | 6 ECTS | |
| Bases Biolóxicas da Linguaxe | Optativo | 1º | 3 ECTS | |
| Neuroloxía da Linguaxe | Optativo | 1º | 3 ECTS | |
| O Proceso de Investigación Cuantitativa Aplicado ao TFM nos Estudos sobre a Linguaxe | Optativo | 1º | 3 ECTS | |
| Orientacións para a elaboración do TFM | Optativo | 1º | 3 ECTS | |
| Métodos e Deseños na Investigación da Linguaxe | Obrigatorio | 2º | 3 ECTS | |
| A Análise dos Discursos Narrativos nas Relacións de Apego | Optativo | 2º | 3 ECTS | |
| Análise Cualitativa de Datos Multimedia | Optativo | 2º | 3 ECTS |
| Guía | Carácter | Cuadr. | créditos | |
|---|---|---|---|---|
| Avaliación do Desenvolvemento da Linguaxe e a Comunicación | Obrigatorio | 1º | 6 ECTS | |
| Avaliación dos Procesos Cognitivo-Lingüísticos Implicados na Aprendizaxe Lectoescritora | Obrigatorio | 1º | 2 ECTS | |
| A Dislexia: Causas, Características e Avaliación | Optativo | 1º | 3 ECTS | |
| Orientación Familiar en Contextos Socioeducativos | Optativo | 1º | 3 ECTS | |
| Avaliación da Lectura en Xordos. Cara a unha Educación Inclusiva | Optativo | 2º | 6 ECTS | |
| Avaliación dos Trastornos da Linguaxe e a Audición desde a Práctica Clínica | Optativo | 2º | 1,5 ECTS | |
| Avaliación dos Problemas da Comunicación e Linguaxe no T.E.A. | Optativo | 2º | 1,5 ECTS |
| Guía | Carácter | Cuadr. | créditos | |
|---|---|---|---|---|
| A Intervención en Trastornos Específicos e Derivados doutros Procesos e Alteracións | Optativo | 1º | 9 ECTS | |
| Intervención nas Alteracións da Linguaxe, Fala, Audición e Voz: desde a Teoría á Práctica Clínica | Obrigatorio | 2º | 5 ECTS | |
| Prevención das Dificultades Lectoescritoras no Ámbito Educativo | Obrigatorio | 2º | 2 ECTS | |
| Aportacións das TIC na Intervención nas Alteracións da Adquisición da Linguaxe e da Lectoescritura | Optativo | 2º | 9 ECTS | |
| O Papel do Contexto Familiar no Tratamento das Alteracións da Comunicación e a Linguaxe | Optativo | 2º | 3 ECTS | |
| Intervención nos Problemas de Comunicación e Linguaxe en T.E.A.: Propostas Informáticas para a Intervención | Optativo | 2º | 3 ECTS |
| Guía | Carácter | Cuadr. | créditos | |
|---|---|---|---|---|
| Prácticas Externas | Obrigatorio | 2º | 9 ECTS |
| Guía | Carácter | Cuadr. | créditos | |
|---|---|---|---|---|
| Traballo Fin de Máster | Obrigatorio | 2º | 12 ECTS |
O ensino do plan de estudos está a cargo dos seguintes docentes:
Os estudos de máster organízanse por módulos. Fai clic nun módulo para obter máis información.
A UDC mantén convenios de mobilidade de estudantes con universidades e institucións de educación superior de catro continentes. Cada curso académico publícanse varias convocatorias de mobilidade de estudantes para que estes poidan cursar parte dos seus estudos nunha desas institucións (un semestre ou un ano académico completo), obtendo pleno recoñecemento académico ao seu regreso no expediente UDC do estudante.
Nesas convocatorias publícanse as prazas das que a UDC dispón para ofrecer aos estudantes dos distintos centros e, no seu caso, as condicións específicas de cada unha delas. Do mesmo xeito, todos os anos convócanse bolsas para financiar a realización de prácticas no estranxeiro por parte dos estudantes
As prácticas serán tamén recoñecidas como parte do seu expediente académico ou no suplemento europeo ao título. O estudante é libre para buscar a empresa ou institución de destino do EEES na que desexa facer as prácticas. A estes efectos, a UDC ten un taboleiro virtual no que se publican as ofertas que chegan ao seu coñecemento.
As convocatorias de mobilidade xestiónanse conxuntamente nos centros de procedencia dos estudantes, baixo a dirección dos Responsables de Relacións Internacionais dos centros, e na Oficina de Relacións Internacionais da Universidade (ORI). Os requisitos xerais para acceder a unha praza de mobilidade, os dereitos e obrigacións dos estudantes, así como o procedemento para conceder as prazas regúlanse no Regulamento de Mobilidade da UDC.