Programa Oficial de Doutoramento en Ciencias Mariñas, Tecnoloxía e Xestión

Poderá acceder aos estudos de doutoramento da UDC o alumnado que cumpra algún dos requisitos recollidos no artigo 4 (Acceso) do Regulamento de Estudos de Doutoramento da UDC.

Os estudantes que cumpren algún dos requisitos de acceso aos estudos de doutoramente poderán ser admitidos a un programa de doutoramento conforme aos requisitos específicos e criterios de valoración de méritos que foren propios do programa. A UDC incluirá os procedementose requisitos de admisión no plan de estudos.

A Admisión non implicará, en ningún caso, ningunha modificación dos efectos académicos e profesionais que correspondan ao título previo de que estea en posesión a persoa interesada, nin o seu recoñecemento para outro efecto que o de cursar o programa de doutoramento.

Tamén podes consultar o Regulamento de Estudos de Doutoramento da UDC, Artigo 5: Admision.

Perfil de admisión recomendado

Procedemento xeral de solicitude de admisión

A solicitude de admisión (ou de renovación da matrícula) e a matrícula nos estudos de doutoramento realizarase a través da secretaría virtual, achegando a documentación acreditativa de reunir os requisitos de acceso. A solicitude de admisión e matrícula para o alumnado externo da UDC debe facerse aquí.

Se desexas obter máis información podes consultar o Procedemento xeral de solicitude de admisión.

Procedemento de solicitude de admisión do alumnado cun título estranxeiro non homologado

Consulta a Admisión e matrícula da EIDUDC.

Procedemento xeral por parte da CAPD

Consulta a Admisión e matrícula da EIDUDC.

Requisitos de admisión específicos da CAPD

Ademais dos requisitos regulados por lei e polos RDs, o programa exixe:

- Acreditar un nivel de coñecemento do idioma inglés equivalente como mínimo ao nivel B1, dado que este constitúe o principal idioma de comunicación científica a nivel internacional. Ademais, tanto os cursos de formación avanzada e transversal como diversas actividades, entre elas o Student's Day, impartense maioritariamente en inglés. A acreditación do nivel de inglés deberase realizar mediante unha certificación oficial recoñecida. En caso de que o candidato ou candidata posúa os coñecementos requiridos, pero careza de certificación, deberá presentar unha declaración xurada que acredite un dominio equivalente ó nivel esixido.

- Presentar dúas cartas de referencia, unha das cal debe ser dun investigador ou investigadora doutor que, se é designado pola Comisión Académica, comprométase a dirixir ou codirixir a teses. En caso de que o candidato ou candidata non conte cun director ou directora de teses doutoral, a Comisión Académica brindaralle apoio e orientación para atopar un, considerando a súa área de interese.

- Presentar un currículum vitae breve.

A Comisión Académica verificará que tódolos solicitantes cumpran cos requisitos de acceso ó programa e que a liña de investigación proposta se aliñe coas áreas de investigación establecidas no programa de doutoramento.

Unha vez comprobado que o candidato ou a candidata cumpren os requisitos administrativos, a Comisión Académica procederá á selección e admisión dos candidatos e as candidatas. Este proceso de selección seguirá os principios OTM-R (Open, Transparent, Merit-based recruiment), que busca asegurar que os candidatos sexan avaliados de maneira xusta e obxectiva, sen discriminación e seguindo procedementos claros que fomenten a igualdade de oportunidades.

A CAPD valorará as solicitudes de admisión no programa de doutoramento en función dos seguintes criterios:

• Expediente académico dos estudos de grao, ponderada pola media da titulación (25%)

• Expediente académico dos estudos de máster, ponderada pola media da titulación (15%)

• Experiencia investigadora previa (20%)

• Experiencia profesional no ámbito do programa de doutoramento (10%)

• Coñecemento de idiomas, incluíndo niveis de inglés superiores ao exixido (B1) ou outros idiomas (5%)

• Aval dun investigador-doutor indicando (i) a potencial viabilidade da futura teses no marco dunha liña de investigación do programa e (ii) que pode exercer como persoa directora en caso de cumprir os requisitos necesarios para iso (15%).

• Entrevista personal (10%)

Para ser admitido no programa de doutoramento débese acadar unha porcentaxe mínima do 60%. A Comisión Académica poderá establecer novos criterios compatibles cos anteriores para concretar a aplicación dos principios e criterios enunciados. Tamén poderá realizar entrevistas persoais sobre os méritos alegados, se o considera oportuno.

Prazos

A solicitude de admisión (ou de renovación da matrícula) e a matrícula nos estudos de doutoramento realizarase de acordo cos prazos aprobados polo Consello de Goberno da UDC.

Matrícula

Consulta a información dispoñible para facer a matrícula nun estudo de doutorado da udc. 

Axudas predoutorais

Consulta as axudas predoutorais na UDC.