Logo da Universidade da Coruña

Grao en Logopedia

2017/2018 · 240 créditos

Introdución

O Grao en Logopedia é un título da Facultade de Ciencias da Educación pertencente á área de Ciencias da Saúde, cunha duración de catro anos e 240 créditos ECTS na súa totalidade.

Este grao habilita para exercer a profesión regulada de logopeda. Así, desenvolve estudos relacionados con todos os aspectos da comunicación que poden manifestarse como trastornos na voz, articulación, comprensión, simbolización e expresión oral e escrita, relacións sociais e pensamento.

O estudo está verificado e publicado

 

Prezo para o alumnado con residencia en España ou na UE
Prezo aproximado do curso (60 ECTS) para o alumnado de primeira matrícula con residencia en España ou na UE.
836€
Prezo para o alumnado sen residencia en España ou na UE
Prezo aproximado do curso (60 ECTS) para o alumnado de primeira matrícula sen residencia en España.
1.463€
Prazas ofertadas para o curso 2017/2018
55

Por que estudar a titulación

Os plans de estudo vixentes na actualidade nas distintas universidades son eficaces na formación de logopedas e pode afirmarse que os estudantes obteñen unha boa formación e están preparados para afrontaren os retos profesionais ao finalizaren os seus estudos.

Proporciónase formación básica en lingüística, educación, psicoloxía, anatomía, fisioloxía e patoloxía da fala, da audición, a linguaxe e a comunicación; coñecementos e habilidades para a intervención logopédica nos diferentes transtornos da linguaxe, a fala e a voz; así como coñecementos sobre recursos metodolóxicos, instrumentais e tecnolóxicos para a intervención.

A nova proposta de título abre aos logopedas a posibilidade de realizar labores de investigación, pois tras cursaren o grao e algún posgrao oficial poderían ter acceso ao doutoramento e, por tanto, a presentar a súa tese de doutoramento.

Folla de ruta

Curso de comezo 2009/2010
Data última modificación/verificación ACSUG 31/12/2012
Data autorización Consello Xunta 27/08/2009
Data publicación autorización DOG 16/09/2009
Data publicación BOE de carácter oficial 05/01/2010
Data publicación plan estudos DOG 13/05/2010
Data publicación plan estudos BOE 26/04/2010