A titulación de Grao en Tecnoloxías Mariñas cambia de nominación a Grao en Máquinas Navais.
Os estudos do Grao en Máquinas Navais teñen carácter enxeñeril e tecnolóxico. Dan acceso ao exercicio, a bordo de buques, das profesións de Oficial de Máquinas da mariña mercante, e xunto con mestrado en Enxeñaría Mariña á profesión de Xefe de Máquinas da mariña mercante.
O estudo renovou a sua acreditación o mércores, 20 de xullo de 2016.
|
Prezo para o alumnado con residencia en España ou na UE Prezo aproximado dun curso (60 ECTS) para o alumnado de primeira matrícula con residencia en España ou na UE. |
836€ |
|
Prezo para o alumnado sen residencia en España ou na UE Prezo aproximado dun curso (60 ECTS) para o alumnado de primeira matrícula sen residencia en España. |
1.045€ |
|
Prazas ofertadas para o curso 2023/2024 |
0 |
O plan de estudos foi deseñado seguindo a normativa internacional que regula a formación dos profesionais mariños, para dar acceso a un mercado laboral cunha alta demanda, coa posibilidade de exerceren a súa actividade en calquera lugar do mundo e en sectores moi amplos do ámbito tecnolóxico.
Disponse dun profesorado altamente cualificado, con experiencia profesional maioritaria no ámbito da enxeñaría mariña e outros sectores industriais. Garántese, así, unha formación en conexión directa coa realidade do sector, que se reforza cunha carga de prácticas en empresas de até catro meses.
A existencia de dous itinerarios ou especialidades permite orientar a túa vocación non só cara ao ámbito da mariña mercante, senón tamén a outras actividades do sector industrial en que os nosos ex-alumnos gozan dun alto recoñecemento.
Así mesmo, o Grao en Tecnoloxías Mariñas dá acceso ao mestrado que cómpre cursar para exercer a profesión de xefe/a de máquinas.
| Data última modificación/verificación ACSUG | 29/07/2010 |
| Data autorización Consello Xunta | 11/11/2010 |
| Data publicación autorización DOG | 17/11/2010 |
| Data publicación BOE de carácter oficial | 16/03/2011 |
| Data publicación plan estudos DOG | 30/07/2015 |
| Data publicación plan estudos BOE | 03/08/2015 |