Os estudos do Grao en Náutica e Transporte Marítimo teñen carácter científico-tecnolóxico e dan acceso ao exercicio, a bordo de buques, das profesións de piloto e capitán/á da mariña mercante.
O plan de estudos está deseñado para capacitar o alumnado de cara á realización das funcións de dirección nos aspectos náuticos, de seguridade, persoal e operacións que se desenvolven nun buque.
O estudo está verificado e publicado
O estudo renovou a sua acreditación o mércores, 18 de xaneiro de 2023.
|
Prezo para o alumnado con residencia en España ou na UE Prezo aproximado dun curso (60 ECTS) para o alumnado de primeira matrícula con residencia en España ou na UE. |
836€ |
|
Prezo para o alumnado sen residencia en España ou na UE Prezo aproximado dun curso (60 ECTS) para o alumnado de primeira matrícula sen residencia en España. |
1.045€ |
|
Prazas ofertadas para o curso 2024/2025 |
50 |
O plan de estudos está deseñado seguindo a normativa internacional que regula a formación dos profesionais náuticos, para dar acceso a un mercado laboral cunha alta demanda, coa posibilidade de exerceren a súa actividade en calquera lugar do mundo e en sectores moi amplos do ámbito marítimo.
Disponse dun profesorado altamente cualificado, con experiencia profesional maioritaria na mariña mercante e outros sectores marítimos. Garántese, así, unha formación en conexión directa coa realidade do sector, que se reforza cunha carga de prácticas en empresas de até catro meses.
A existencia de dúas mencións ou especialidades permite orientar a túa vocación non só cara ao ámbito da mariña mercante, senón tamén a outras actividades do sector marítimo, en que os nosos ex-alumnos gozan dun alto recoñecemento.
Así mesmo, o Grao en Enxeñaría Náutica e Transporte Marítimo dá acceso ao mestrado que cómpre cursar para o exercicio da profesión de capitán/á da mariña mercante.
| Curso de comezo | 2010/2011 |
| Data última modificación/verificación ACSUG | 23/03/2015 |
| Data autorización Consello Xunta | 11/11/2010 |
| Data publicación autorización DOG | 17/11/2010 |
| Data publicación BOE de carácter oficial | 16/03/2011 |
| Data publicación plan estudos DOG | 22/02/2022 |
| Data publicación plan estudos BOE | 23/02/2022 |