O grao en Comunicación Audiovisual proporciona a formación universitaria dun ámbito de coñecemento científico e académico e dun campo de exercicio profesional consolidado e amplamente estendido.
Entre os seus obxectivos está o de formar profesionais especializados e tecnicamente preparados para a creación audiovisual en contornas dixitais, tanto para televisión como internet e calquera outro soporte multimedia.
A adquisición equilibrada do conxunto de saberes e destrezas da titulación garantirá ao graduado en Comunicación Audiovisual unha adecuada preparación para a súa posterior vida laboral.
O estudo está pendente de verificación
|
Prazas ofertadas para o curso 2025/2026 |
50 |
A Facultade de Ciencias da Comunicación forma aos seus alumnos para tarefas de dirección, realización e produción en medios audiovisuais, guionistas, deseñadores de produción, de contido interactivo e multimedia, entre outras.
Dentro do Grao en Comunicación Audiovisual da UDC, o estudante poderá graduarse coa mención en Comunicación Audiovisual Multiplataforma, mención en Contidos 3D ou sen mención específica.