O Máster Universitario en Tecnoloxía Téxtil e Moda Sustentable da Universidade da Coruña é unha titulación oficial orientada a formar profesionais capaces de afrontar os retos actuais do sector téxtil desde unha perspectiva tecnolóxica, innovadora e comprometida coa sustentabilidade.
Este programa ofrece unha formación avanzada e multidisciplinar que abarca desde os procesos de fabricación téxtil ata o deseño e desenvolvemento de produtos innovadores, integrando as últimas tecnoloxías dixitais e as estratexias sostibles aplicadas á moda e a industria téxtil.
Dirixido tanto a titulados en áreas técnicas como creativas, o máster combina contidos teóricos e prácticos, fomentando a colaboración con empresas, centros de investigación e profesionais do sector. O noso obxectivo é formar especialistas cunha visión integral e actualizada, capaces de liderar a transformación do sector cara a modelos máis responsables, circulares e sostibles.
O estudo está verificado e pendente de publicación
|
Prazas ofertadas para o curso 2025/2026 |
20 |
A titulación conta con modalidade presencial e a distancia. Na modalidade a distancia, establécese unha presencialidade mínima obrigatoria en períodos concretos do curso. Estas sesións presenciais poderán incluír obradoiros, prácticas de laboratorio e probas de avaliación que, pola súa natureza, non se poden desenvolver de forma virtual. Esta medida é esencial para garantir a correcta adquisición das competencias prácticas por parte do estudantado.
| Curso de comezo | 2024/25 |
| Data última modificación/verificación ACSUG | 14/06/2024 |
| Data autorización Consello Xunta | 15/07/2024 |
| Data publicación autorización DOG | 24/07/2024 |
| Data publicación BOE de carácter oficial | 27/09/2024 |