O Mestrado Universitario en Profesorado de Educación Secundaria Obrigatoria e Bacharelato, Formación Profesional e Ensino de Idiomas é un título da Facultade de Ciencias da Educación pertencente á área das Ciencias Sociais e Xurídicas que conta con 60 créditos ECTS teórico-prácticos distribuídos da seguinte maneira: módulo xenérico, 16 créditos; módulo específico, 26 créditos; Prácticum e Traballo de Fin de Mestrado, 18 créditos.
O módulo xenérico é común para todo o estudantado matriculado e ten carácter presencial obrigatorio. No tocante ao módulo específico e o prácticum, son distintos en función das peculiaridades de cada itinerario ou especialidade. O Prácticum ten tamén carácter presencial e desenvólvese nos centros de educación secundaria que se sinalaren por convenio coa Xunta de Galicia.
O estudo está verificado e publicado
O estudo renovou a sua acreditación o luns, 28 de xaneiro de 2019.
|
Prezo para o alumnado con residencia en España ou na UE Prezo aproximado dun curso (60 ECTS) para o alumnado de primeira matrícula con residencia en España ou na UE. |
591€ |
|
Prezo para o alumnado sen residencia en España ou na UE Prezo aproximado dun curso (60 ECTS) para o alumnado de primeira matrícula sen residencia en España. |
739€ |
|
Prazas ofertadas para o curso 2023/2024 |
25 |
Este mestrado habilita para o exercicio da docencia e é requisito específico para o ingreso nos corpos de profesorado de ensino secundario, profesorado técnico de formación profesional, profesorado de música e artes escénicas, profesorado de artes plásticas e deseño, mestres de taller de artes plásticas e deseño e profesorado de escolas oficiais de idiomas.
| Data publicación plan estudos BOE | 19/12/2011 |