Grao en Enxeñaría Informática

Que se aprende

As persoas que obteñan o título de Graduado/a en Enxeñaría Informática son profesionais cunha formación ampla e sólida que as prepara para dirixiren e realizaren as tarefas de todas as fases do ciclo de vida de sistemas, aplicacións e produtos que resolvan problemas de calquera ámbito das tecnoloxías da información e as comunicacións, aplicando o seu coñecemento científico e os métodos e técnicas propios da enxeñaría.

Competencias completas do estudo

Saídas profesionais e académicas

Saídas profesionais e académicas

Os principais perfís con que se identifican os profesionais informáticos son os seguintes:

• Programador de sistemas informáticos
• Analista de tecnoloxías da información
• Analista de sistemas informáticos
• Profesor/docente/investigador (educación secundaria obrigatoria, ciclos formativos, universitario etc.)
• Director/xestor/consultor tecnoloxías da información

Planificación do ensino

O plan ofrece as cinco especialidades da Enxeñaría Informática en forma de cinco itinerarios ou mencións: Computación, Enxeñaría de Computadores, Sistemas de Información, Tecnoloxías da Información e Enxeñaría do Software, fomentando un deseño curricular ben definido e recoñecible máis tarde en termos de perfís profesionais, como contraposición ao típico deseño á carta, cunha extensa oferta de optativas, máis frecuente nunha titulación sen itinerarios. Como consecuencia a optatividade céntrase máis na elección dun itinerario que na selección arbitraria dun conxunto de materias independentes.

Para a obtención do título de Graduado/a en Enxeñaría Informática pola UDC, o estudante debe superar 240 créditos ECTS organizados do seguinte xeito:

• 60 ECTS no Módulo de Formación Básica (10 materias), de carácter obrigatorio, planificadas no primeiro curso.
• 90 ECTS no Módulo de 15 materias comúns, obrigatorias, planificadas no segundo curso e na primeira metade do terceiro curso.
• 60 ECTS en 10 materias obrigatorias da especialidade que desexe acreditar o estudante (Tecnoloxía Específica), e planificadas para a segunda metade do terceiro curso e o cuarto curso.
• 18 ECTS en 3 materias optativas de especialidade, planificadas para o último curso, podendo optar o estudante por realizar prácticas en empresa ata por 12 ECTS ou solicitar o recoñecemento de créditos por participar en actividades universitarias culturais, deportivas, de representación estudiantil, solidarias e de cooperación ata un máximo de 6 ECTS.
• Finalmente 12 ECTS corresponden á realización do Proxecto de Fin de Grao, que debe adecuarse ás competencias adquiridas nas ensinanzas da especialidade cursada

Máis información no seguinte documento.

Esta titulación dispón de guía docente
Podes consultala para coñecer máis sobre o estudo. Na táboa inferior tamén podes consultar as guías docentes particulares a aquelas materias que dispoñen de ela.

Estrutura do estudo

Os estudos de grao organízanse por cursos. Fai clic nun curso para obter máis información.

• Curso 1
• Curso 2
• Curso 3
• Curso 4
• Outras materias

 BOE co plan de estudos (PDF)

Profesorado

Polo de agora o estudo non ten departamentos encargados da súa docencia.

• Curso 1
• Curso 2
• Curso 3
• Curso 4
• Outras materias

Accións para a mobilidade do estudantado

A UDC mantén convenios de mobilidade de estudantes con universidades e institucións de educación superior de catro continentes. Cada curso académico publícanse varias convocatorias de mobilidade de estudantes para que estes poidan cursar parte dos seus estudos nunha desas institucións (un semestre ou un ano académico completo), obtendo pleno recoñecemento académico ao seu regreso no expediente UDC do estudante.

Nesas convocatorias publícanse as prazas das que a UDC dispón para ofrecer aos estudantes dos distintos centros e, no seu caso, as condicións específicas de cada unha delas. Do mesmo xeito, todos os anos convócanse bolsas para financiar a realización de prácticas no estranxeiro por parte dos estudantes

As prácticas serán tamén recoñecidas como parte do seu expediente académico ou no suplemento europeo ao título. O estudante é libre para buscar a empresa ou institución de destino do EEES na que desexa facer as prácticas. A estes efectos, a UDC ten un taboleiro virtual no que se publican as ofertas que chegan ao seu coñecemento.

As convocatorias de mobilidade xestiónanse conxuntamente nos centros de procedencia dos estudantes, baixo a dirección dos Responsables de Relacións Internacionais dos centros, e na Oficina de Relacións Internacionais da Universidade (ORI). Os requisitos xerais para acceder a unha praza de mobilidade, os dereitos e obrigacións dos estudantes, así como o procedemento para conceder as prazas regúlanse no Regulamento de Mobilidade da UDC.