Grao en Nanociencia e Nanotecnoloxía

Este grao dotará aos seus egresados dunha formación completa, transversal e multidisciplinar que lles permitirá coñecer en profundidade os fundamentos de Nanociencia e Nanotecnoloxía para poder abranguer todos os procesos de desenvolvemento, investigación e aplicación dos nanomateriais. Os alumnos adquirirán as competencias, coñecementos e habilidades para desenvolver o seu traballo nun campo dos nanomateriais e os fenómenos fisicoquímicos realcionados con estes. Ademais, os alumnos que cursen este grao serán competentes para integrarse nun mercado laboral en calquera dos eidos relacionados co título e saberán valorar a importancia que ten a investigación, a innovación e o desenvolvemento tecnolóxico no avance socioeconómico e cultural da sociedade.

As posibilidades de emprego son moi amplias. Os egresados poderán aplicar as súas capacidades e talento en calquera das posibles aplciacións da Nanociencia e a Nanotecnoloxía, estando en condicións de traballar conxuntamente co especialistas, investigadores, axentes, institucións e profesionais de distintos sectores, pero tamén en situación de impulsar os seus propios proxectos como emprendedores. A Nanociencia é unha disciplina de carácter fundamental e a Nanotecnoloxía presenta unha inclinación tecnolóxica e aplicada, pero ambas as dúas disciplinas están a conectar con todos os sectores científico – técnicos e, a partir destas, están xurdindo innovacións científico –tecnolóxicas que dan respostas a moitos problemas da sociedade actual (abranguendo campos como medicina, farmacia, física, química, bioloxía, tecnoloxías da información e da comunicación, producción e almacenamento de enerxía, novos materiais, fabricación nanométrica, tecnoloxía dos alimentos, tecnoloxías da auga e do medio ambiente, etc). Nun futuro inmediato, tendremos moitos outros sectores e tecnolóxia que mellorarán e incrementarán o noso benestar e contribuirán á sustentabilidade da nosa sociedade, algúns dos cales non podemos imaxinar neste momento. Por todo isto, constitúen un dos motores máis iportantes da nova industria y da sociedade do coñecemento.

Estrutura do estudo

Os estudos de grao organízanse por cursos. Fai clic nun curso para obter máis información.

• 1º Curso
• 2º Curso
• 3º Curso
• 4º Curso

 BOE co plan de estudos (PDF)

Profesorado

O ensino do plan de estudos está a cargo de docentes dos departamentos de: Bioloxía, Ciencias da Computación e Tecnoloxías da Información, Enxeñaría Civil, Enxeñaría de Computadores, Enxeñaría Industrial, Enxeñaría Naval e Industrial, Física e Ciencias da Terra, Fisioterapia, Medicina e Ciencias Biomédicas, Matemáticas e Química.

Os estudos de grao organízanse por cursos. Fai clic nun curso para obter máis información.

• 1º Curso
• 2º Curso
• 3º Curso
• 4º Curso

Accións para a mobilidade do estudantado

A UDC mantén convenios de mobilidade de estudantes con universidades e institucións de educación superior de catro continentes. Cada curso académico publícanse varias convocatorias de mobilidade de estudantes para que estes poidan cursar parte dos seus estudos nunha desas institucións (un semestre ou un ano académico completo), obtendo pleno recoñecemento académico ao seu regreso no expediente UDC do estudante.

Nesas convocatorias publícanse as prazas das que a UDC dispón para ofrecer aos estudantes dos distintos centros e, no seu caso, as condicións específicas de cada unha delas. Do mesmo xeito, todos os anos convócanse bolsas para financiar a realización de prácticas no estranxeiro por parte dos estudantes

As prácticas serán tamén recoñecidas como parte do seu expediente académico ou no suplemento europeo ao título. O estudante é libre para buscar a empresa ou institución de destino do EEES na que desexa facer as prácticas. A estes efectos, a UDC ten un taboleiro virtual no que se publican as ofertas que chegan ao seu coñecemento.

As convocatorias de mobilidade xestiónanse conxuntamente nos centros de procedencia dos estudantes, baixo a dirección dos Responsables de Relacións Internacionais dos centros, e na Oficina de Relacións Internacionais da Universidade (ORI). Os requisitos xerais para acceder a unha praza de mobilidade, os dereitos e obrigacións dos estudantes, así como o procedemento para conceder as prazas regúlanse no Regulamento de Mobilidade da UDC.