Nos prazos de matrícula establecidos poderán formalizar a súa matrícula os alumnos e alumnas que inicien os estudos de grao en calquera das titulacións da Universidade da Coruña e que cumpriren as condicións de acceso ou reuniren os requisitos de admisión establecidos no Real Decreto 412/2014 de 6 de xuño e na Normativa de xestión académica da Univesidade.
Aqueles alumnos e alumnas que pretendan iniciar os estudos de primeiro curso de grao deberán estar admitidos/as para formalizar a matrícula nas sucesivas resolucións da Comisión Interuniversitaria de Galicia (CIUG).
O Grao en Galego e Portugués: Estudos Lingüísticos e Literarios está pensado para todas aquelas persoas con interese e especial sensibilidade cara aos fenómenos lingüísticos e as súas manifestacións artísticas na literatura, nomeadamente na situación de Galicia e dos países de expresión portuguesa. Tamén é apropiado para todo aquel alumnado con inquietudes literarias e culturais no dominio galego-portugués.
Poderán acceder aos estudos universitarios oficias de grao as persoas que reúnan algún dos requisitos establecidos no artículo 3 do Real decreto 412/2014 de 6 de xuño:
De non obter o recoñecemento, deberá incorporarse ao proceso xeral de admisión
As ABAU están organizadas para todo o sistema universitario galego por unha comisión mixta entre a Xunta de Galicia e as tres universidades galegas, a Comisión Interuniversitaria Galega, CIUG
A matrícula das ABAU faise a través da aplicación informática NERTA e, nos casos que proceda, nos lugares de entrega e recollida de documentos LERD, en calquera dos sete campus de Galicia
Proceso xeral de admisión: o alumnado que pretenda iniciar os estudos de primeiro curso de Grao, deberá realizar a preinscrición previa seguindo o procedemento e prazos establecidos pola CIUG, a través da aplicación informática NERTA
Cada alumno/a formalizará unha única solicitude de preinscrición na que indicará por orde de preferencia ata un máximo de cinco titulacións diferentes, podendo chegar ata un máximo de dez, no caso de titulacións iguais impartidas en diferentes centros universitarios e, nos casos que proceda, nos lugares de entrega e recollida de documentos LERD, en calquera dos sete campus de Galicia.
A CIUG publicará sucesivas resolucións de convocatoria a matrícula. A relación do alumnado convocado en cada prazo pode consultarse na aplicación informática NERTA. É un procedemento moi áxil con prazos curtos de matrícula.
O alumnado convocado a formalizar a matrícula, na titulación da súa preferencia da Universidade da Coruña, deberá facelo no prazo establecido pola resolución da CIUG, na web da UDC.
40 prazas ofertadas no curso 2023/2024
A CIUG é a responsable de publicar os criterios e procedementos de admisión nas titulacións de grao do Sistema Universitario Galego, para cada curso académico, na súa páxina web.
O acceso ao grao está regulado polo Real decreto 1393/2007, do 29 de outubro, sobre a organización do ensino universitario oficial. Nel indícase que para acceder ás titulacións de grao cómpre estar en posesión do título de bacharel ou equivalente e superar as probas de acceso á universidade.
Non existen probas ou exames especiais para cursar o Grao en Galego e Portugués: Estudos Lingüísticos e Literarios. Porén, é recomendable (aínda que non necesariamente imprescindible) a existencia dunha certa formación previa no ámbito humanístico ou social, a través do hábito da lectura, interese polas manifestacións culturais e literarias de expresión galega e portuguesa ou conceder importancia ao coñecemento de idiomas na nosa soiedade.
Existe un sistema de bolsas para o estudantado que o precise. Os distintos criterios e prazos dependen do tipo de bolsa e o organismo que as convoca (propias, autonómicas e estatáis). Podes consultalas nos seguintes enlaces:
Se queres coñecer en detalle a normativa e regulamentos relacionados cos estudos na UDC podes consultalo aquí. Ademais podes consultar outros documentos relacionados coa normativa académica.
Tamén destacamos os seguintes documentos:
Nesta gráfica pode comprobar cales foron a nota de acceso máis baixa, media e máis alta nas PAAU do alumnado que accederon ao estudo o longo dos anos.
Na gráfica inferior pode consultar a distribución das notas de acceso das PAAU do alumnado matriculado no estudo no curso indicado.
| Nota máis baixa | 6,258 |
| Nota media | 8,649 |
| Nota máis alta | 10,278 |
| Total de alumnado das PAAU matriculados | 8 |
| Intervalo | Alumnado | (%) |
|---|---|---|
| 6,3 ... 6,5 | 1 | 12,5 (%) |
| 7,3 ... 7,5 | 1 | 12,5 (%) |
| 8,3 ... 8,5 | 1 | 12,5 (%) |
| 8,8 ... 9,0 | 1 | 12,5 (%) |
| 9,0 ... 9,3 | 2 | 25,0 (%) |
| 9,5 ... 9,8 | 1 | 12,5 (%) |
| 10,0 ... 10,3 | 1 | 12,5 (%) |