Os estudantes que cumpren algún dos requisitos de acceso aos estudos de doutoramente poderán ser admitidos a un programa de doutoramento conforme aos requisitos específicos e criterios de valoración de méritos que foren propios do programa. A UDC incluirá os procedementose requisitos de admisión no plan de estudos.
A Admisión non implicará, en ningún caso, ningunha modificación dos efectos académicos e profesionais que correspondan ao título previo de que estea en posesión a persoa interesada, nin o seu recoñecemento para outro efecto que o de cursar o programa de doutoramento.
Tamén podes consultar o Regulamento de Estudos de Doutoramento da UDC, Artigo 5: Admision.
8
prazas ofertadas no curso 2024/2025
Perfil de admisión recomendado
O mestrado que permitirá o ingreso a este programa de doutoramento sen complementos de formación será o Mestrado en Técnicas Estatísticas ofertado pola USC, UDC e UVigo. Tamén terán acceso directo no programa os estudantes con suficiencia investigadora ou co título de DEA obtidos a través dos programas anteriores de doutoramento en Estatística e Investigación Operativa nas tres universidades participantes (USC, UDC e UVigo).
Perfil de ingreso con mestrado diferente ao do apartado anterior:
No caso de alumnos que realizasen algún mestrado distinto do anterior, a Comisión Académica do Programa de Doutoramento (CAPD) avaliará de forma individualizada cada caso e considerará a posibilidade de pedirlles a realización de complementos de formación (ata 15 ECTS) cando na súa formación anterior non cursen polo menos 60 ECTS na área de Estatística e Investigación Operativa de nivel de mestrado segundo o xuízo da CAPD.
Outros perfís:
No caso de alumnos que non realizasen mestrado necesitarase unha equivalencia de formación en nivel equivalente de, polo menos, 60 ECTS preferentemente na área de estatística e investigación operativa. Esta equivalencia será determinada pola CAPD.
Alumnos con titulacións estranxeiras:
os estudantes con título estranxeiro sen homologar poderán solicitar a admisión nos estudos de doutoramento sempre que se acredite un nivel de formación equivalente á do título oficial español de mestrado universitario e faculte no país expedidor do título para o acceso aos estudos de doutoramento. Esta admisión non implicará, en ningún caso, a homologación do título previo nin o recoñecemento para outros efectos que os de acceso a estas ensinanzas.
Procedemento xeral de solicitude de admisión
A solicitude de admisión (ou de renovación da matrícula) e a matrícula nos estudos de doutoramento realizarase a través da secretaría virtual, achegando a documentación acreditativa de reunir os requisitos de acceso. A solicitude de admisión e matrícula para o alumnado externo da UDC debe facerse aquí.
Se desexas obter máis información podes consultar o Procedemento xeral de solicitude de admisión.
Procedemento de solicitude de admisión do alumnado cun título estranxeiro non homologado
Consulta a Admisión e matrícula da EIDUDC.
Requisitos de admisión específicos da CAPD
A solicitude de admisión realizarase a través da Secretaría Virtual do estudante e a documentación xustificativa entregarase na Unidade de Apoio á Docencia e Investigación (UADI) da Facultade de Informática.
A CAPD publicará as listaxes provisoria e definitivas do alumnado admitido no portal de estudos da UDC. As reclamacións á listaxe provisoria dirixiranse á UADI da Facultade de Informática.
A solicitude de matrícula a tempo parcial, de cambio de modalidade de matrícula e de baixa temporal no programa deberán presentarse na UADI da Facultade de Informática.
Prazos
A solicitude de admisión (ou de renovación da matrícula) e a matrícula nos estudos de doutoramento realizarase de acordo cos prazos aprobados polo Consello de Goberno da UDC.