Programa Oficial de Doutoramento en Enxeñaría Naval e Industrial

Poderá acceder aos estudos de doutoramento da UDC o alumnado que cumpra algún dos requisitos recollidos no artigo 4 (Acceso) do Regulamento de Estudos de Doutoramento da UDC.

Os estudantes que cumpren algún dos requisitos de acceso aos estudos de doutoramente poderán ser admitidos a un programa de doutoramento conforme aos requisitos específicos e criterios de valoración de méritos que foren propios do programa. A UDC incluirá os procedementose requisitos de admisión no plan de estudos.

A Admisión non implicará, en ningún caso, ningunha modificación dos efectos académicos e profesionais que correspondan ao título previo de que estea en posesión a persoa interesada, nin o seu recoñecemento para outro efecto que o de cursar o programa de doutoramento.

Tamén podes consultar o Regulamento de Estudos de Doutoramento da UDC, Artigo 5: Admision.

Perfil de admisión recomendado

O perfil de ingreso establece os requisitos de formación previa do alumnado para ser admitido no programa. De forma xeral, poderá ser admitido no programa quen se encontre nalgunha das seguintes situacións:

• rama de coñecemento: Enxeñería e Arquitectura
• ámbito/s de coñecemento: Enxeñería industrial, enxeñería mecánica, enxeñería automática, enxeñería da organización industrial e enxeñería da navegación. Enxeñería química, enxeñería dos materiais e enxeñería do medio natural.
• competencias, capacidades e coñecementos previos: Repórese unha formación previa (grao e/ou máster) en enxeñaría, preferiblemente en enxeñería naval, enxeñería industrial, ou en campos relacionados como estructuras navais, hidrodinámica, mecánica, caracterización e procesamento de materiais, xestión industrial e optimización de procesos.
• titulacións de acceso: Másteres do campo da Enxeñaría Industrial ou da Enxeñaría Naval e Oceánica. Outros másteres ou títulos equivalentes que, a criterio da comisión académica, lle proporcionen ao candidato unha formación científico técnica que lle permita desenvolver o seu plan de investigación dentro das liñas do programa.
• competencias lingüísticas recomendadas para a realización destes estudos: nivel C1 ou C2 nalgunha das linguas do programa: castelán, galego ou inglés.
• de non ter realizado un máster, ter unha formación equivalente en créditos de investigación ou ter realizado polo menos 60 ECTS de formación investigadora relacionada directamente co programa.
• ter obtido o título de DEA en programas similares a este programa de doutoramento.

Os casos que non se axusten ao perfil de ingreso serán estudados pola CAPD, podendo proceder ou non á admisión, e establecer complementos específicos de formación.

Procedemento xeral de solicitude de admisión

A solicitude de admisión (ou de renovación da matrícula) e a matrícula nos estudos de doutoramento realizarase a través da secretaría virtual, achegando a documentación acreditativa de reunir os requisitos de acceso. A solicitude de admisión e matrícula para o alumnado externo da UDC debe facerse aquí.

Se desexas obter máis información podes consultar o Procedemento xeral de solicitude de admisión.

Procedemento de solicitude de admisión do alumnado cun título estranxeiro non homologado

Consulta a Admisión e matrícula da EIDUDC.

Procedemento xeral por parte da CAPD

Consulta a Admisión e matrícula da EIDUDC.

Requisitos de admisión específicos da CAPD

•  Carta de referencia do profesorado do programa. É requisito obrigatorio para a admisión no programa presentar unha carta de referencia dun profesor ou profesora do programa que i) avale a potencial viabilidade da futura teses no marco dunha liña de investigación do programa á que se vincule, e que ii) poida exercer como persoa directora en caso de cumprir os requisitos necesarios para iso.
• Coñecemento de idiomas. O alumnado estranxeiro de países alleos aos ámbitos lingüísticos galego e/ou castelán deberá acreditar un coñecemento mínimo de inglés que fagan posible a supervisión e dirección da teses.

Criterios de selección. Para o caso en que o número de candidatos/as que cumpren cos criterios de admisión é superior ao número de prazas ofertadas, a selección de estudantes e a súa ponderación realizarase en función dos seguintes criterios:

• Expediente académico (70 %), determinado polas cualificacións de máster, DEA ou suficiencia investigadora.
• Adecuación ao programa e á dispoñibilidade das liñas de investigación (20 %), a Comisión Académica do programa analizará a adecuación da proposta realizada na carta de referencia do profesor do programa para avaliar a adecuación ao programa e a dispoñibilidade de medios materiais e humanos na liña de investigación que pretende desenvolver.
• Experiencia investigadora previa e os seus resultados (5 %). Valoraranse publicacións, contribucións a congresos, etc., e a súa adecuación ás liñas de investigación do programa.
• Experiencia profesional (5 %). Valorarase a experiencia profesional (contratos, bolsas, etc.) relacionada coas liñas de investigación do programa.

Para poder ser valorados, os méritos deben acreditarse documentalmente e ser coherentes coas liñas de investigación do programa. Aplicaranse os mesmos criterios de admisión para todo o alumnado, tanto con dedicación a tempo completo como a tempo parcial.

Prazos

A solicitude de admisión (ou de renovación da matrícula) e a matrícula nos estudos de doutoramento realizarase de acordo cos prazos aprobados polo Consello de Goberno da UDC.

Matrícula

Consulta a información dispoñible para facer a matrícula nun estudo de doutorado da udc. 

Axudas predoutorais

Consulta as axudas predoutorais na UDC.