Programa Oficial de Doutoramento en Ciencias da Saúde

Poderá acceder aos estudos de doutoramento da UDC o alumnado que cumpra algún dos requisitos recollidos no artigo 4 (Acceso) do Regulamento de Estudos de Doutoramento da UDC.

Os estudantes que cumpren algún dos requisitos de acceso aos estudos de doutoramente poderán ser admitidos a un programa de doutoramento conforme aos requisitos específicos e criterios de valoración de méritos que foren propios do programa. A UDC incluirá os procedementose requisitos de admisión no plan de estudos.

A Admisión non implicará, en ningún caso, ningunha modificación dos efectos académicos e profesionais que correspondan ao título previo de que estea en posesión a persoa interesada, nin o seu recoñecemento para outro efecto que o de cursar o programa de doutoramento.

Tamén podes consultar o Regulamento de Estudos de Doutoramento da UDC, Artigo 5: Admision.

Perfil de admisión recomendado

O perfil de ingreso establece os requisitos de formación previa do alumnado para ser admitido no programa. De forma xeral, poderá ser admitido no programa quen se encontre nalgunha das seguintes situacións:

• Rama de coñecemento: Ciencias da Saúde, Ciencias e Ciencias sociais e xurídicas
• Ámbito/s de coñecemento: Medicina e odontoloxía, Enfermería, Fisioterapia, podoloxía, nutrición e dietética, terapia ocupacional, óptica e optometría e logopedia, ademais de Actividade física e ciencias do deporte, bioloxía e xenética, bioquímica e biotecnoloxía, ciencias biomédicas, ciencias do comportamento e psicoloxía, ciencias sociais, traballo social, socioloxía, Farmacia.
• Competencias, capacidades e coñecementos previos: aspectos básicos sobre investigación.
• Titulacións de acceso: graos e másteres da área de ciencias da saúde, ciencias e ciencias sociais e xurídicas.
• Competencias lingüísticas recomendadas para a realización destes estudos: coñecemento básico de inglés (capacidade para a lectura de textos científicos en inglés)
• Ter obtido o título de DEA en programas similares a este programa de doutoramento.

Os casos que non se axusten ao perfil de ingreso serán estudados pola CAPD, podendo proceder ou non á admisión, e establecer complementos específicos de formación

Procedemento xeral de solicitude de admisión

A solicitude de admisión (ou de renovación da matrícula) e a matrícula nos estudos de doutoramento realizarase a través da secretaría virtual, achegando a documentación acreditativa de reunir os requisitos de acceso. A solicitude de admisión e matrícula para o alumnado externo da UDC debe facerse aquí. 

Se desexas obter máis información podes consultar o Procedemento xeral de solicitude de admisión.

Procedemento de solicitude de admisión do alumnado cun título estranxeiro non homologado

Consulta a Admisión e matrícula da EIDUDC.

Procedemento xeral por parte da CAPD

Consulta a Admisión e matrícula da EIDUDC.

Requisitos de admisión específicos da CAPD

Prazos

A solicitude de admisión (ou de renovación da matrícula) e a matrícula nos estudos de doutoramento realizarase de acordo cos prazos aprobados polo Consello de Goberno da UDC.

Matrícula

Consulta a información dispoñible para facer a matrícula nun estudo de doutorado da udc. 

Axudas predoutorais

Consulta as axudas predoutorais na UDC.